حـد عـلـمـي
حد علمي بالغلا يوم كنت اسوا كثير
يوم كانت ضحكتي طبع وعنادي سمه
وحد علمي بالعنا يوم خفاقي ضرير
قبل اهدم العشق وابنيه وارجع واهدمه
وحد علمي بالبكا يوم لي قلب وضمير
قبل اشوف المسلم يموت بأيد المسلمه
ايه عدت من يدي بس ما عدت بخير
ليلة عيت تجيني وجتني مظلمه
من عرفت احساسها كن في قلبي نذير
والنهار المكتأب باين من مقدمه
ليلة حسيتها ما تجور ولا تجير
مثل طفلاً ما حقرته وعيت احشمه
واصبحت مثل شعره واقسمت ظهر البعير
وابتدا في موتها الجرح من حيث ختمه
صار لي في العشق ما لا هقيت انه يصير
ان ظلمت بعشرة انسان ما كنت اظلمه
العشير اللي تبرا من ظلوع العشير
الحلا عزز خطاياه والحظ خدمه
لا تبسم يكسر النور فعيون البصير
وكن شمس المغربيه تبات في مبسمه
معتدل في قامته لا طويل ولا قصير
ممتلي بالزين من معصمه لي معصمه
فيه بألوان الهدب لون غير ولون غير
مثل ما للرمش بالعين قصه مبهمه
كنها نكس البيارق على شط وغدير
ومثل لملمة الشتات بشتات اللملمه
في سواد مجدل ما يثور الا يثير
كنه اللي ينهم الريح ثمن تنهمه
ما تجمع لين قيد حريراً مع حرير
في ظلام علم الليل ما لم يعلمه
ما هقيت ان الهدب صلب واجفانه تغير
لين سلهم لعن ابو جد ذيك السلهمه
ما عتقني لين ساق البشاير للبشير
يوم صد وجاه قلبي بشحمه ولحمه
والله انه حط قلبي تحت رحمة شطير
في يديه وكل ما اراد يقسمه قسمه
لو صحيح ان الحبيبين يجمعهم مصير
كان نفس اللي حرمني من النوم حرمه
والله ان مروتي ولعة فيني سعير
يوم شفته تل قلبي وداسه بقدمه
ما رحم زهرة شبابي وانا توني صغير
لين ضيق خاطري ضيق الله نسمه
ايه عدت من يدي بس ما عدت بخير
ليلة عيت تجي بس جتني مظلمه
حد علمي في عناها عذاب وزمهرير
يوم قمت توحي بالاضلاع صوت وهمهمه
وحد علمي في الرجا من نصير ليا نصير
يوم شفت النفس تذبح وهي مستسلمه
وحد علمي بالبكا يوم لي قلب وضمير
قبل اشوف المسلم يموت بأيد المسلمه
مـالا يـفـعـلـون
ما بقى الا سود الايام تحرمك الرقاد
كيف الاوهام اتجرأ تسريك مغبون
من متى تجزع من الدمع وتخاف البعاد
من متى تقفي بك ظنون وتجيبك ظنون
صرت تاخذ كذبتي صدق ومزاحي وكاد
لو بقول اني بخونك تحسب اني بخون
ماتعرف ان كل شاعر يهيم بكل واد
وانهم دايم يقولون مالا يفعلون
ابك انا لاقلت ابنساك وانكرت الوداد
والله اني مانسيتك ولاهم يحزنون
من جزع من صفعة الشمس يطمع بالبراد
ومن فقد وجهاته الخمس يلقى بك ركون
اعتبرها هفوة انسان أو كبوة جواد
لو بتسمح فانت غالي ولو تجرح تمون
عـد صداتك مروة وطعناتك ضماد
خلهن لاراحن طعون ولا ردن طعون
خنجرك يستاهل الطعن ومتوني شداد
ومنك يازين الخناجر ويا بخت المتون
ردلي حنية المزح باحساس الجماد
خلنا واحد يجي صلب والثاني حنون
موت فـيني واندفن فيك بثياب الحداد
وان حييت أموت لرضاك واحيا بك بهون
مره ارقد بالكفن وانت ترقد بالمهاد
ومرة ارقد بالمهد وانت ترقد بالكفـون
ادري ان شـجونك شجون وعنادك عناد
والبلى ان عنادك عناد وشجونك شجون
ربك اللي سخرك لي تقود وما تقاد
والله الخالق ولله في خلقه شـؤون
ازرع ضلوعي من رضاك وابشر بالحصاد
لعن ابو من جيت ترضيه وترد محزون
بس تسـوى لك بلد قول تسوى لك بلاد
انت كل العالم بكون ولحالك بكون
مابعد محبتك حب ومرادك مراد
غير كونك سيد حشاي تدري من تكون
نعمتين اختصوا الخلق من جود الجواد
كافل الأرزاق من حيث مالا تعلمون
البنون ونعمة المال بعيون العباد
زينة الدنيا بلا شك في كل العيون
مثل زينة دنيتي بس عندي شي زاد
من عرفتك صاروا المال وانتا والبنون
انتشي بك نشوة التيه لعـناق الرشاد
وافزع الك فزعة القرم لشهاب الزبون
واحصنك تحصين الأرزاق عن درب الفساد
واعشقك عشق المظاليم لفراق السجون
لو تزيد الشوق جمرة تحولني رماد
لو يزيد العشق شعرة بوصل للجنون
خل هقواتك كبيرة ونظراتك بعاد
كانك انت بكبرك تهون من اللي ما يهون
ازعلك وارهن حياتي تحت رحمة زناد
تهبى لا والله الا انت والموت تهبون
عاد اذا ما ارضاك هـرجي ولا اللي قـلت فاد
اننا لله وانا اليه راجعون
وانـت باكر بتعرف على ناس جداد
والكلام يجيك من كل شكل وكل لون
لاتحسب ان كل كلمة بتسمعها وكاد
ولا تصدق هرج شاعر وتخدعك الظنون
دايم اعرف كل شاعر يهـيم بكل واد
وانهم دايم يقولون ما لا يفعلون
حتى انا اللي قلت اعشقك وما اطيق البعاد
يمكن اطلع ماعشقتك ولا هم يحزنون
أول الغيث ( للشيخ جابر آل صباح )
بسم الله اكبر وأول الغيث فرسان
جادت غيومه وانبنى السور من طين
كن الثرى تنبت مباني وجدران
وكن السما تمطر شيوخ وسلاطين
نونا ًسكبه الله على قصر دسمان
وامطرت يا غيث الضعاف المساكين
يا شيخ يا جابر يا تلايل كحيلان
انا اشهد ان سواتك قليلين
اقولها كلمه ولا اني بندمان
لا عودت لم الرجال الميامين
سافرت بلدان وتعديت بلدان
ومروا على عيني نشامي كثيرين
على كثر ما شفت بالناس شجعان
ما شفت مثل الشيخ جابر لهالحين
الله جمع طيبة اهل الأرض بأنسان
قرما فطره الله على العقل والدين
سلطان لكنه ما هو بأي سلطان
واحد ويسوى في نظرنا ملايين
يا شيخ طيبك مرهق عقول واذهان
نظرة طموحك تتعب العقل والعين
مدة يدينك طالت الأنس والجان
واعمال خيرك شيبة بالشياطين
من شبه اسياد العرب فيك غلطان
انت الوحيد اللي قلبت الموازين
والله لو امدح فزعة فلان وفلان
فزعتك وين وفزعة ربيعهم وين
الفرق واضح والرجاجيل شتان
والناس صارت تعرف الزين والشين
لو عند حكام العرب كثرك ايمان
ما كان ضاعت من يدينا فلسطين
يا ذرعنا اللي ما تزعزع ولا لان
يا سيف عدلاً سله الوقت لسنين
يا فزعة المبلي لا جاك منهان
يا شوق تلعات الرقاب المزايين
من لا نظر في وجهك ما زان
ومن لا دعا لك ما عرف قيمتك زين
ومن لا تشرف بالحكي معك خسران
ومن لا وصلك وقبل يديك مسكين
لولاك ما كنا ولا مجدنا كان
ومن غير عدلك ما تدوم القوانين
المدح في غيرك من الناس نقصان
والخير من غيرك مثل مدة الدين
يا كويت تفداج الخراييط والاوطان
وتهون لأمجادج تواريخ وسنين
وترخص علشانج ثوابيت واكفان
ويحلى على رملج نزيف الشرايين
يا كويت حنا للشدايد والاحزان
جينا عشان نموت وانتي تعيشين
كرامتج تبقى وتحفظ وتنصان
وان ضاعت نفوس العرب ما تضيعين
الله خلقنا للعداوات عدوان
وصدورنا تبرى بطعن السكاكين
ولو ضرب حسادج يزعزع بالابدان
حنا بضربه نقسم الجمع نصفين
وان كانهم وسط الميادين قشران
حنا القشر فينا بليا ميادين
واذا الحميا فيهم حمية اخوان
حنا حيمتنا حمية مجانين
للهرج ميدان وللافعال ميدان
وللمجد درب وللشهامه عناوين
وللفخر ناس وللتورايخ بيبان
وللموت سوق وللتجارب عناوين
يا بو مبارك والله انك كحيلان
وانا اشهد اللي سواتك قليلين
مرت علي الطيبه اشكال والوان
وقابلت حكام وملوك وسلاطين
على كثر ما شفت حكام شجعان
ما شفت مثل الشيخ جابر لهالحين
حد علمي بالغلا يوم كنت اسوا كثير
يوم كانت ضحكتي طبع وعنادي سمه
وحد علمي بالعنا يوم خفاقي ضرير
قبل اهدم العشق وابنيه وارجع واهدمه
وحد علمي بالبكا يوم لي قلب وضمير
قبل اشوف المسلم يموت بأيد المسلمه
ايه عدت من يدي بس ما عدت بخير
ليلة عيت تجيني وجتني مظلمه
من عرفت احساسها كن في قلبي نذير
والنهار المكتأب باين من مقدمه
ليلة حسيتها ما تجور ولا تجير
مثل طفلاً ما حقرته وعيت احشمه
واصبحت مثل شعره واقسمت ظهر البعير
وابتدا في موتها الجرح من حيث ختمه
صار لي في العشق ما لا هقيت انه يصير
ان ظلمت بعشرة انسان ما كنت اظلمه
العشير اللي تبرا من ظلوع العشير
الحلا عزز خطاياه والحظ خدمه
لا تبسم يكسر النور فعيون البصير
وكن شمس المغربيه تبات في مبسمه
معتدل في قامته لا طويل ولا قصير
ممتلي بالزين من معصمه لي معصمه
فيه بألوان الهدب لون غير ولون غير
مثل ما للرمش بالعين قصه مبهمه
كنها نكس البيارق على شط وغدير
ومثل لملمة الشتات بشتات اللملمه
في سواد مجدل ما يثور الا يثير
كنه اللي ينهم الريح ثمن تنهمه
ما تجمع لين قيد حريراً مع حرير
في ظلام علم الليل ما لم يعلمه
ما هقيت ان الهدب صلب واجفانه تغير
لين سلهم لعن ابو جد ذيك السلهمه
ما عتقني لين ساق البشاير للبشير
يوم صد وجاه قلبي بشحمه ولحمه
والله انه حط قلبي تحت رحمة شطير
في يديه وكل ما اراد يقسمه قسمه
لو صحيح ان الحبيبين يجمعهم مصير
كان نفس اللي حرمني من النوم حرمه
والله ان مروتي ولعة فيني سعير
يوم شفته تل قلبي وداسه بقدمه
ما رحم زهرة شبابي وانا توني صغير
لين ضيق خاطري ضيق الله نسمه
ايه عدت من يدي بس ما عدت بخير
ليلة عيت تجي بس جتني مظلمه
حد علمي في عناها عذاب وزمهرير
يوم قمت توحي بالاضلاع صوت وهمهمه
وحد علمي في الرجا من نصير ليا نصير
يوم شفت النفس تذبح وهي مستسلمه
وحد علمي بالبكا يوم لي قلب وضمير
قبل اشوف المسلم يموت بأيد المسلمه
مـالا يـفـعـلـون
ما بقى الا سود الايام تحرمك الرقاد
كيف الاوهام اتجرأ تسريك مغبون
من متى تجزع من الدمع وتخاف البعاد
من متى تقفي بك ظنون وتجيبك ظنون
صرت تاخذ كذبتي صدق ومزاحي وكاد
لو بقول اني بخونك تحسب اني بخون
ماتعرف ان كل شاعر يهيم بكل واد
وانهم دايم يقولون مالا يفعلون
ابك انا لاقلت ابنساك وانكرت الوداد
والله اني مانسيتك ولاهم يحزنون
من جزع من صفعة الشمس يطمع بالبراد
ومن فقد وجهاته الخمس يلقى بك ركون
اعتبرها هفوة انسان أو كبوة جواد
لو بتسمح فانت غالي ولو تجرح تمون
عـد صداتك مروة وطعناتك ضماد
خلهن لاراحن طعون ولا ردن طعون
خنجرك يستاهل الطعن ومتوني شداد
ومنك يازين الخناجر ويا بخت المتون
ردلي حنية المزح باحساس الجماد
خلنا واحد يجي صلب والثاني حنون
موت فـيني واندفن فيك بثياب الحداد
وان حييت أموت لرضاك واحيا بك بهون
مره ارقد بالكفن وانت ترقد بالمهاد
ومرة ارقد بالمهد وانت ترقد بالكفـون
ادري ان شـجونك شجون وعنادك عناد
والبلى ان عنادك عناد وشجونك شجون
ربك اللي سخرك لي تقود وما تقاد
والله الخالق ولله في خلقه شـؤون
ازرع ضلوعي من رضاك وابشر بالحصاد
لعن ابو من جيت ترضيه وترد محزون
بس تسـوى لك بلد قول تسوى لك بلاد
انت كل العالم بكون ولحالك بكون
مابعد محبتك حب ومرادك مراد
غير كونك سيد حشاي تدري من تكون
نعمتين اختصوا الخلق من جود الجواد
كافل الأرزاق من حيث مالا تعلمون
البنون ونعمة المال بعيون العباد
زينة الدنيا بلا شك في كل العيون
مثل زينة دنيتي بس عندي شي زاد
من عرفتك صاروا المال وانتا والبنون
انتشي بك نشوة التيه لعـناق الرشاد
وافزع الك فزعة القرم لشهاب الزبون
واحصنك تحصين الأرزاق عن درب الفساد
واعشقك عشق المظاليم لفراق السجون
لو تزيد الشوق جمرة تحولني رماد
لو يزيد العشق شعرة بوصل للجنون
خل هقواتك كبيرة ونظراتك بعاد
كانك انت بكبرك تهون من اللي ما يهون
ازعلك وارهن حياتي تحت رحمة زناد
تهبى لا والله الا انت والموت تهبون
عاد اذا ما ارضاك هـرجي ولا اللي قـلت فاد
اننا لله وانا اليه راجعون
وانـت باكر بتعرف على ناس جداد
والكلام يجيك من كل شكل وكل لون
لاتحسب ان كل كلمة بتسمعها وكاد
ولا تصدق هرج شاعر وتخدعك الظنون
دايم اعرف كل شاعر يهـيم بكل واد
وانهم دايم يقولون ما لا يفعلون
حتى انا اللي قلت اعشقك وما اطيق البعاد
يمكن اطلع ماعشقتك ولا هم يحزنون
أول الغيث ( للشيخ جابر آل صباح )
بسم الله اكبر وأول الغيث فرسان
جادت غيومه وانبنى السور من طين
كن الثرى تنبت مباني وجدران
وكن السما تمطر شيوخ وسلاطين
نونا ًسكبه الله على قصر دسمان
وامطرت يا غيث الضعاف المساكين
يا شيخ يا جابر يا تلايل كحيلان
انا اشهد ان سواتك قليلين
اقولها كلمه ولا اني بندمان
لا عودت لم الرجال الميامين
سافرت بلدان وتعديت بلدان
ومروا على عيني نشامي كثيرين
على كثر ما شفت بالناس شجعان
ما شفت مثل الشيخ جابر لهالحين
الله جمع طيبة اهل الأرض بأنسان
قرما فطره الله على العقل والدين
سلطان لكنه ما هو بأي سلطان
واحد ويسوى في نظرنا ملايين
يا شيخ طيبك مرهق عقول واذهان
نظرة طموحك تتعب العقل والعين
مدة يدينك طالت الأنس والجان
واعمال خيرك شيبة بالشياطين
من شبه اسياد العرب فيك غلطان
انت الوحيد اللي قلبت الموازين
والله لو امدح فزعة فلان وفلان
فزعتك وين وفزعة ربيعهم وين
الفرق واضح والرجاجيل شتان
والناس صارت تعرف الزين والشين
لو عند حكام العرب كثرك ايمان
ما كان ضاعت من يدينا فلسطين
يا ذرعنا اللي ما تزعزع ولا لان
يا سيف عدلاً سله الوقت لسنين
يا فزعة المبلي لا جاك منهان
يا شوق تلعات الرقاب المزايين
من لا نظر في وجهك ما زان
ومن لا دعا لك ما عرف قيمتك زين
ومن لا تشرف بالحكي معك خسران
ومن لا وصلك وقبل يديك مسكين
لولاك ما كنا ولا مجدنا كان
ومن غير عدلك ما تدوم القوانين
المدح في غيرك من الناس نقصان
والخير من غيرك مثل مدة الدين
يا كويت تفداج الخراييط والاوطان
وتهون لأمجادج تواريخ وسنين
وترخص علشانج ثوابيت واكفان
ويحلى على رملج نزيف الشرايين
يا كويت حنا للشدايد والاحزان
جينا عشان نموت وانتي تعيشين
كرامتج تبقى وتحفظ وتنصان
وان ضاعت نفوس العرب ما تضيعين
الله خلقنا للعداوات عدوان
وصدورنا تبرى بطعن السكاكين
ولو ضرب حسادج يزعزع بالابدان
حنا بضربه نقسم الجمع نصفين
وان كانهم وسط الميادين قشران
حنا القشر فينا بليا ميادين
واذا الحميا فيهم حمية اخوان
حنا حيمتنا حمية مجانين
للهرج ميدان وللافعال ميدان
وللمجد درب وللشهامه عناوين
وللفخر ناس وللتورايخ بيبان
وللموت سوق وللتجارب عناوين
يا بو مبارك والله انك كحيلان
وانا اشهد اللي سواتك قليلين
مرت علي الطيبه اشكال والوان
وقابلت حكام وملوك وسلاطين
على كثر ما شفت حكام شجعان
ما شفت مثل الشيخ جابر لهالحين